Tuesday , 23 January 2018, 07:27 AM
Home / Latest News / Qasoor Muzahiray Mein Jaan Bahaq Afraad Ki Tadfeen Aaj Mutawaqqa
Qasoor Muzahiray

Qasoor Muzahiray Mein Jaan Bahaq Afraad Ki Tadfeen Aaj Mutawaqqa

Qasoor Mein ighwa Aur Zayadti Ke Baad Kam San Bachi Ke Qatal Ke Khilaaf Sara Shehar Saraapaa Ehtijaj Hai Jabkay Muzahireen Ka Kaali Pall Chowk Par Dharna Jari Hai.

Guzaishta Roz Muzahiray Ke Douran Jaan Bahaq Muhammd Ali Ki Tadfeen Aaj Mutawaqqa Hai.Zaraye Ke Mutabiq Feroz Poor Road Band Honay Ke Baais Dosray Shehron Se Rastay Munqita Hain Jabkay Doosri Janib Kisi Bhi Mumkina Sorat-E-Haal Se Nimatnay Ke Liye Police Ki Izafi Nafri Talabb Karli Gayi Hai.

Zayadti Ke Baad Qatal Ki Gayi 7 Sala Zainab Ki Aanhon Aur SiskIyon Mein Tadfeen Kar Di Gayi. Mulzimaan Ko Ab Taq Girftar Nahi Kiya Ja Saka Hai.Wazeer Aala Punjab Shahbaz Shareef Ki Aaj Subah Saweray 5 Bujey Qasoor Mein Kamsin Bachi Ke Ghar Aamad Ahal Khanah Se Izhaar Taaziyat Ke Liye Puhanche. Is Mauqa Par Un Ka Kehna Tha Ke Jab Taq Mujrim Ko Katehray Mein Nahi Layein Ge Chain Se Nahi Bathain Ge.

Qasoor Muzahiray

Zaraye Ke Mutabiq Raat Gaye Hassas Idaron Ki Team Ney Mutasirah Khandan Ke Bayanaat Qalamband Kiye, Waqeye Ke Shawahid Bhi Jama Kiye Gaye Hain.Doosri Janib Qasoor Mein Zainab Ke Qatal Ke Khilaaf Par Tashadud Ehtijaj Ke Douran Police Ki Firing Se Jaan Bahaq Shohaib Aur Mohammad Ali Ka Post Martam Kar Liya Gaya Jis Ki Report Subah 11 Bujey Anay Ka Imkaan Hai.

Zaraye Ke Mutabiq Firing Ke Ilzam  Mein 2 Police Ahelkaaron  Ke Ilawa 2 Civil Defence Ehalkaron Ko Girftar Karliya Gaya Hai, Jabkay Maqtuleen Ke Bhaiyon Ki Mudaiyat Mein 2 Muqadmaat Namaloom 16 Police Ehalkaron Ke Khilaaf Darj Karliye Gaye Jis Mein Qatal Ki Dafaat Shaamil Hain.

Check Also

Hameed-ul-din- sialvi

Masoom Bachiyon Ke Qaatil Kyun Nahi Pakry Gaye, Hameed-ul-din- sialvi

Lahore Mein Dataa Darbaar Ke Samnay Tahaffuz Khatam Nabuwat Jalsa Se Sjad-H-Nasheen Seyal Shareef  Nay …

Leave a Reply

Your email address will not be published. Required fields are marked *