Saturday , 18 November 2017, 09:39 AM
Home / Pakistan / Punjab Aur Balochistan Ke Mukhtalif Ilaaqon Mein Barish

Punjab Aur Balochistan Ke Mukhtalif Ilaaqon Mein Barish

Punjab Aur Balochistan Ke Shumal Mashriqi Ilaaqon Mein Aaj Dosray Roz Bhi Waqfay Waqfay Se Barish Ka Silsila Jari Hai, Lahore Mein Halki Barish Ke Baad Dhund Mein Kami Hogayi, Waadi-e- Ziyarat Mein Barfbari Se Darjah Hararat 4 Degree Tak Girgya.

Sobah Khyber Pakhtunkhwa Mein Dairra Ismael Khan , Lakki Murawwat, , Shumali Aur Janoobi Waziristan Mein Bhi Barish Se Mausam Sard Hogaya.
Sargodha Aur Faisal Abad Mein Mausam Sarma Ki Pehli Barish Neh Kayi Roz Se Jari Dhund Aur Smog Ka Zor Tor Diya, , Veharhi, Cheecha Watni, Bahawalpoor, Khanewal , Hafiz Abad Sameit Punjab Ke Kayi Shehron Mein Barish Se Gard Alood Mausam Ka Khatama Hogaya.

Barish
Shumal Mashriqi Balochistan Mein Chaman, Qilah Abdullah, Gulsitan, Tauba Achakzai, Mein Waqfay Waqfay Se Kabhi Taiz Aur Kabhi Halki Barish Ka Silsila Dosray Roz Bhi Jari Hai, Waadi Ziyarat Ke Nawahi Ilaaqon Mein Brfbari Se Sarkon Par Phislan Hogayi Hai, Khyber Pakhtunkhwa Ke Sheher Lakki Murawwat Sameit Shumali Aur Janoobi Waziristan Ke Bhi Mukhtalif Ilaaqon Mein Barish Ke Baais Mukhtalif Ilaaqon Mein Chhai Gird Alood Dhund Mein Kami Ke Sath Sardi Mein Bhi Izafah Hogya hai.

Check Also

Ishtihari

Hassan, Hussain Nawaz Ko Ishtihari Qarar Dainay Ki Tafseli Report Adalat Mein Paish.

Hassan Aur Hussain Nawaz Ko Ishtihari Qarar Dainay Ki Tafseli Report Aur Hussain Nawaz Ke …

Leave a Reply

Your email address will not be published. Required fields are marked *