Friday , 15 December 2017, 10:50 PM
Home / Pakistan / Karachi : lakri Ki market mein lagi aag bhuja di gayi, 10 dukanain khakstar
Aag

Karachi : lakri Ki market mein lagi aag bhuja di gayi, 10 dukanain khakstar

Karachi ke ilaqay Orangi Town number 5 mein lakri market mein lagi aag bujha di gayi, 10 dukanain jal gayeen, karorron rupay maliyat ka maal jal kar raakh ho gaya, koi jani nuqsaan nahi hwa. 9 Fire Tendar aur water Bowsers naay taqreeban 4 ghantay ki jaddo-jehed ke baad aag bujhai, cooling ka amal jari hai .

Aeini shahideen ka kehna Hai Kay Orangi Town furniture market ke Oper say guzarnay wali taron mein Spark se aag bharkii. market se mulhiq rehaishi imarat ko bhi shadeed nuqsaan pohncha hai. Aeini shahideen ke mutabiq market mein 20 se zayed dukanain hain .lakri ki market ke sath 4 manzila rehaishi imarat hai jis ke makeeno ko bahifazt nikaal liya gaya aur mehfooz maqam par muntaqil kardiya gaya hai.

aag naay market mein mojood karkhanay aur 10 dukanon ko lapait mein le liya, aag ke baais karorron rupay ki lakri sameit furniture or deegar samaan jal gaya .
zaraye ke mutabiq aik mauqa par Fire Tendar mein pani khatam honay ke baais aag bujhanay ka amal takheer ka shikaar bhi hwa.

Check Also

Jalsa

Tehreek Insaaf Aaj Chishtian Mein Taaqat Ka Muzahira Kere Gi.

Pakistan Tehreek Insaaf Ke Chairman Imran Khan Aaj Chishtian Mein Jalsa Aam Se Khitaab Karen …

Leave a Reply

Your email address will not be published. Required fields are marked *