Thursday , 26 April 2018, 10:02 PM
Home / Latest News / Qasoor :Pur-Tashaddud Muzahirey Qaboo Mein Aagaye,Rangers Ka Gasht
Rangers Ka Gasht

Qasoor :Pur-Tashaddud Muzahirey Qaboo Mein Aagaye,Rangers Ka Gasht

Qasoor mn Pur-Tashaddud Muzahirey Qaboo Mein Aa Gaye, Rangers Ne Flag March Kiya. Hospital Aur PA Naeem Safdar Ke Dairay Par Dhawa Bolnay Walay Kayi Mulzim Grftarkrlie. Tajir Tanzeemon Ne Hartaal Khatam Karne Ka Elaan Kardiya, Aman-O-Amaan Barqarar Rakhnay Mein Madad Ki Yaqeen Dehani Karade.

Zainab Ke Qaatil Ki Talaash Mein Madad Dainay Walay Ko 1 Cror rupay Dainay Ka Elaan Kiya Gaya Hai Jabkay Zainab Ke Waalid Mohammad Amain Ne Qasoor Ke Mushtael Muzahireen Se Pur Aman Rehne Ki Appeal Aur JIT Ke Sarbarah Ko Tabdeel Karne Ka Bhi Mutalba Kiya Hai .

Saneha Qasoor Ko Teen Roz Guzarnay Ke Baad Bhi Nanhi Kalie Ko Roond Dainay Wala Darinda Sift Azad Hai Police Usay To Nah Pakar Saki  Taham Muzahiron Aur ToOr Phore Ke ilzaam Mein Gharon Par Dhawa Bol Kar Mutadid Afraad Ko Girftar Karliya. Shehar Mein Aman- O-Amaan Ki Sorat-E-Haal Barqarar Rakhnay Ke Liye Rangers ke 200 Ehlkar Baktar Band Gariyo Or mobile Ke Sath Pohanch Gaye Aur Flag March Kiya.

Mehakma Dakhla Punjab Aur IG  Ne 2 Roz qabl Rangers Ko Talabb Kia Tha. Shehar Ki Tajir Tanzeemon Ne Bhi Hartaal Khatam Karne Ka Elaan Karte Hue Yaqeen Dehani Karai Hai, Shehar Mein Aman-O-Amaan Ki Sorat-E-Haal Bighrnay Nahi Di Jaye Gi.

Doosri Janib Wazeer-E-Aala Punjab Ne Mulzim Ki Nishandahi Mein Madad Dainay Walay Shakhs Ke Liye Aik Crore Rupay Aur Police Firing Se Jaan Bahaq Dono Afraad Ke Lawahiqeen Ke Liye 30, 30 Laakh Rupay Maali Imdad ka Elan kiya hai.Un Ka Kehna Tha Case Ka Chalaan 24 Ghantay Mein Paish Kya Jaye. Chalaan Paish Karne Mein Koi Takheer Bardasht Nahi Ki Jaye Gi.

Check Also

PIA Ki Parwazein Mutasir

Fazai Hudood Ki Bandish, Islamabad Mein PIA Ki Parwazein Mutasir.

Fazai Hudood Ki Bandish Ki Wajah Se Islamabad Mein Qaumi Air Line Ki Prwazon Ka …

Leave a Reply