صفحہ اول / بزنس / فیس بک اور واٹس ایپ پر ’گپ شپ ٹیکس‘ عائد

فیس بک اور واٹس ایپ پر ’گپ شپ ٹیکس‘ عائد

یوگنڈا: افریقی ملک یوگنڈا میں فیس بک اور واٹس ایپ پر گھنٹوں باتیں کرنے والے صارفین پر ’’ گپ شپ ٹیکس‘‘ عائد کرنے کا اعلان کردیا گیا ہے۔
آن لائن نیوز کے مطابق یوگنڈا کی حکومت نے لوگوں کو بے مصرف اور بلا تکان سوشل میڈیا پر طویل گفتگو سے روکنے کے لئے فیس بک، واٹس ایپ، وائبر اور ٹوئٹر پر 4 سے 5 سینٹ ’گپ شپ ٹیکس‘ عائد کردیا ہے جس کا اطلاق یکم جولائی سے ہوگا۔
قبل ازیں یوگنڈا کی پارلیمنٹ نے جمعرات کے روز ایک قانون پاس کیا جس کے تحت سماجی رابطے کی مختلف ویب سائٹس کو استعمال کرنے والے صارفین سے ٹیکس کی مد میں 200 ’یوگنڈا شیلنگ‘ وصول کیے جائیں گے اس کے علاوہ پارلیمنٹ نے ہر موبائل ٹرانزیکشن پر ایک فیصد ٹیکس عائد کرنے کا مطالبہ کیا تھا۔
افریقی ملک میں سماجی رابطے کی ویب سائٹس کے استعمال پر ٹیکس کے نفاذ کو بین الاقوامی طور پر تنقید کا سامنا ہے۔ سوشل میڈیا پر یوگنڈا کے اس فیصلے پر ناراضگی کا اظہار کیا جا رہا ہے۔
دوسری جانب یوگنڈا صدر یوواری موسوینی کا کہنا ہے کہ سوشل میڈیا گپ شپ اور فضول بکواس کو فروغ دیتا ہے جس کی روک تھام ضروری ہے اگر حکومت کو ٹیکس کی مد میں کچھ رقم حاصل ہوتی ہے تو یہ ایک اچھی بات ہے۔

Check Also

parisol

دھوپ اور بارش سے بچانے والی ڈرون چھتری

ٹوکیو: جاپانی کمپنی نے ایک ایسی ڈرون چھتری تیاری کی ہے جسے ہاتھ میں تھامنے …

جواب دیں